[原創] 香港常用及地道式廣東話 & 書面語一覽對照表
[table=100%,#FFFFE6][tr][td][size=9pt][發帖際遇]: [url=http://swtkzone.com/event.php]小剛買水果，老闆多找了緣幣25元.[/url][/font][/td][/tr][/table]
[原創] 香港常用及地道式廣東話 & 書面語一覽對照表
近日偶爾看到有些會員看不慣廣東口語化詞語的問題
於是小弟製作了以下資料，希望可以幫到你們理解。
以下是小弟對講廣東話與書面語的對換，如有錯漏，歡迎各界指正。
/ = 或
[quote]一般口語化
喇喎、咋嘛、之嘛、嘞、o架、喇、啦、吖、添、嘅、咯、吓、啲、咁、囉、喎、吓嘛以上幾個一般為助語詞，通常在說話結尾出現，有加強語氣的作用。
[/quote]
[quote]
你 / 我哋 = 你 / 我們
佢 = 他 / 她
佢哋 = 他 / 她們引用:
嘅（屬於）= 的
你 / 我 / 佢嘅 = 你 / 我 / 他的
你 / 我 / 佢哋嘅 = 你 / 我 / 他們的
[/quote]
[quote]
咗（事情完結的意思）= 了
多咗好多人 = 多了很多人
[/quote]
[quote]
係 = 是
唔係 = 不是
係唔係 = 是不是 / 是否引用:
啱 = 對 / 是 / 正確
唔啱 = 否 / 不對 / 錯
啱啱 = 剛剛 / 剛巧
[/quote]
[quote]
唔該你 … = 請你 …
…，唔該晒。= …，謝謝了。
唔駛喇 = 不用了 / 不需要
駛唔駛？= 要不要？
[/quote]
[quote]
睇 = 看
睇嚟 = 看來
[/quote]
[quote]
呢 = 這
呢個 = 這個
呢度 = 這處 / 這裡
[/quote]
[quote]
嗰 = 那
嗰個 = 那個
嗰度 = 那處 / 那裏
[/quote]
[quote]
搵 = 找 / 尋找引用:
唔通 …？ = 難道 …？
[/quote]
[quote]
重（仲）有 = 還有
[/quote]
[quote]
喺 = 在
喺呢度 = 在這裡
喺嗰度 = 在那裡
[/quote]
[quote]
度 = 指某處地方 / 範圍
呢度 = 這處 / 這裡
嗰度 = 那處 / 那裏
[/quote]
[quote]
咪 = 別要 / 就是
咪啦 / 咪咁啦 = 別要這樣了
咪係囉 = 就是這樣了
[/quote]
[quote]
咁 = 這麼 / 這樣
咁大 = 這麼大
咁咪係囉 = 就是這樣呢
[/quote]
[quote]
吓？！ = 甚麼？！
睇吓點？！= 盡管看看！！
[/quote]
[quote]
就算 … = 盡管 …
[/quote]
[quote]
點 = 怎麼 / 怎樣
點睇？= 怎樣看法？
點算？= 怎樣解決？/ 怎麼辦？
[/quote]
[quote]
嚟 = 來
返嚟 = 回來
返去 = 回去引用:
埋︰有多種不同的意思
加埋 / 同埋 = 一起
暱埋 = 隠藏 / 埋藏
食埋 = 吃了
住埋 = 一起同住
埋嚟 = 過來
[/quote]
[quote]
晒 = 完全 / 充份
好晒 = 最好 / 復原
大晒 = 最大
嬴晒 = 全勝
[/quote]
[quote]
啲 / d = 一些 / 一點
多啲 / d = 多一些 / 多一點
少啲 / d = 少一些 / 少一點
大啲 / d = 大一些 / 大一點
細啲 / d = 小一些 / 小一點
[/quote]
[quote]
幾︰（在這裡放在不同位置有不同的意思）
幾錢？= 多少錢？
一年幾 = 一年多
十幾年 = 十數年
幾多歲？ = 年齡有多大？
幾十個人 = 數十個人
你老幾？！= 你是甚麼輩份？！
[/quote]
[quote]
嘢 = 東西 / 事情
買嘢 = 買東西 / 購物
食嘢 = 吃東西
講嘢 = 說話
搞嘢 = 造愛 / 談情 / 鬼混 / 生事
做嘢 = 工作 / 行動
乜嘢？ = 甚麼東西？/ 甚麼事？
玩嘢呀？ = 通常是指將事情故意刁難 / 作弄
[/quote]
[quote]
畀（俾）= 給 / 授予
諗 = 想 / 思考 / 相信
我諗係 = 我相信是的
我諗唔係 = 我相信不是
諗計 = 想辦法引用:
計 / 計仔 = 辦法
[/quote]
[quote]
搞 = 幹
搞咩？= 幹甚麼？
乜 / 咩 = 甚麼
咩話？= 說甚麼？
咩呀？/ 乜事？/ 咩事？ = 甚麼事？
做乜事？ / 做咩事？ = 幹甚麼事？
係咩？= 是嗎？
[/quote]
[quote]
你咬我食呀？！/ 吹呀？！/ 吹漲 = 你奈不了（我）何
gag = 笑話
爛 gag = 冷笑話
gag 位 = 笑點
搞 gag = 說笑話 / 逗人笑
打牙鉸 / 吹水 / 傾計 / 講嘢 = 交談 / 談天
牙鉸戰 = 口舌之爭
牙屎斬斬腳"yang" "yang" = 口不擇言
食咗草蠬 = 很開心亂說話
講多錯多 = 愈描愈黑
搭爹 / 插咀 = 搭訕
我戥你唔抵 = 我替你不值
雞脾打人牙鉸軟 = 略施恩惠使他人心軟
煲水(新聞) = 不屬實（的新聞）
車大炮 / 呃 / 老作 / 作大 / 吹水 / 講大話 = 說慌
你吹水呀？！/ 你講嘢呀？！= 你在說慌嗎？！
咪吹水啦！= 別再說慌了！
隨口o翕，當秘笈 = 發表沒有根懅的言論
吹水唔抹咀 / 講大話唔眨眼 = 意指該人說了謊也面不改容
擘大個口得個窿 = 驚訝 / 啞口無言
古古惑惑 / 古惑 = 心懷不軌
砌生豬肉 / 屈 = 抵毀 / 愚弄 / 戲弄
搞鬼 / 整蠱 = 愚弄 / 戲弄 / 惡作劇
唔啱 key / 唔啱牙 = 不咬弦
唔妥 = 不咬弦 / 不對勁
或者 = 也許
同佢傾唔埋欄 / 同佢無計傾 = 與他不太相熟 / 與他話不投機 / 不投緣
同佢無乜兩句 = 與他並無過節 / 與他不太相熟
short short 地 / 黐線 = 神經病 / 對別人的言行不大滿意而作出的悔氣回應（通常在與熟人交談時才會較多出現）
黐孖筋 = 同上（但這個較激動及較具攻擊性）
慳啲啦！= 請你收歛吧！（節省少少）
你無病呀？！= 你怎麼了？！
粒晒水 / 粒水都無 / 粒聲都無 = 意指該人沉默不說話
無端端 / 無啦啦 = 無故
九唔搭八 / 無厘頭 / 無啦啦 = 意指該人 / 事件令人摸不著頭腦或耐人尋味
收水 / 收爹 / 收聲 = 住口（意指叫他人住口）
食蕉 = 去死
[/quote]
[quote]
學業篇
返學 = 上學
放學 = 下課
出貓 = 作弊
貓紙 = 作弊隠閉的資料
學生哥 = 男學生
學生妹 = 女學生
阿 sir = 老師
校花 = 校內多人認同的美女
校草 = 校內多人認同的俊男
蛀書蟲 = 勤奮的學生
煲書 / 咪書 = 長時間努力讀書
嘟 / 讀屎片 / 讀死書 = 衹會讀書而不會變通的呆子
開夜車 = 通常指在家夜晚長時間讀書 / 工作
浸（過）鹹水 = 到外國長期讀書
[/quote]
[quote]
工作篇
幾點？= 現在的時間是？
一粒鐘 = 一個小時（粒 = 個 [在此衹作形容小時，但不可形容一粒橙或一粒人]）
咕喱 = 苦力
收工 / 放工 = 下班
搵啖食 / 搵餐晏仔 / 抓銀 / 撈 / 搵食 / 返工 = 上班 / 謀生 / 幹活
靜靜雞 / 靜雞雞 = 靜悄悄 / 暗地裡
暗啞底 = 暗地裡
秘撈 = 外快、私底下的賺錢工作
北上 / 返大陸 = 回國內
架撐 = 工具 / 謀生工具
執生 = 隨機應變 / 臨危不亂、不慌不忙 / 當機立斷
撐得住 = 很捱得苦
死頂 / 死撐 / 頂梗上 = 辛苦地堅持做一件事
斷正 = 人贓俱獲
詐型 = 投訴
轉數 = 腦筋
精 / 叻 / 醒爬 / 轉數快 / 話頭醒尾 = 醒目 / 機靈 / 精明 / 能幹
犀利 / 勁 / 勁揪 = 利害
通水 = 提點
放水 = 通容 / 通知
放風 = 發放消息
收風 = 收取消息
堅料 / 猛料 = 真確事實
流料 = 虛假消息
知少少扮代表 / 無料扮代表 = 意指沒有真憑實據而充當發表者
襟撈 / 識撈 / 識做人 / 世界仔 = 懂人情世故 / 識時務者
跟尾狗 / 托大腳 / 擦鞋 / 擦鞋仔 = 奉承 / 奉承者
二五仔 / 反骨仔 = 吃裡趴外的人
dum 波鐘 = 拖延時間
O.T（over time）/ 開夜 = 超時工作
老細 / 老闆 / 老頂 = 公司總裁 / 頂頭上司
阿頭 / 大佬 / 揸 fit / 揸旗 / 波士 = 上司 / 話事人 / 工作總管 / 決策人 / Boss
阿公 = 公司 / 政府 / 公用 / 公家
o靚 / o靚仔 / 伙記 = 下屬 / 顆計
起貨 = 完成該任務
人工 = 工資
出糧 = 發放工資
糧尾 = 意指在下月發放工資前，本月花費所餘下的工資。
食過夜粥 = 捱過苦接受過訓練
蝕底 / 蝕卓 = 吃虧 / 虧了本
呃飯食 / 揸流灘 = 做事不盡力敷衍了事
托水龍 / 起飛腳 / 打完齋唔要和尚 / 過橋抽板 = 過河拆橋
兵馬俑 = 呆子
蛇王 / 暱埋 / 柄埋 / 潛水 / 吞 POP = 偷懶 / 失蹤
揸住雞毛 / 揸住雞毛當令箭 = 狐假虎威
頂心杉 = 眼中釘
搞屎棍 / 是非精 = 經常搬弄是非 / 為恐天下不亂者
Cheap 精 = 不受歡迎的人 / 非常吝嗇的人
兩頭蛇 / 二五仔 = 吃兩家茶禮 / 通風報訊者
卸膊 = 卸責
射波 = 在未有提早通知的情況下曠工，與卸膊（卸責）近音
棟 / 跣 / 跣佢一板 = 設陷阱 / 陷害 / 陷害他人
踩多一腳 = 落井下石
包膠 = 報告
報串 / 打小報告 / 篤背脊 / 金手指 = 在他人背後說人家的不是 / 通風報訊
跳槽 = 轉投另一家公司工作
跳草裙舞 / 扭計 = 向上司或僱主作出對抗
照肺 = 被上司召見問話
執佢幾劑 / 執劑佢嘆 = 向他懲戒 / 向他懲罰了事
食貓麵 / 省到立立靈 = 被人痛駡
食死貓 = 含寃
對眼生喺額頭度 / 白鴿眼 / 眼角高 / 靴咁大個鼻 = 看不起 / 瞧不起人家
大細超 = 厚此薄彼 / 遇到 / 作出不公平對待（超︰視線、對待）
劈炮唔撈 = 辭職
炒魷魚 / 燉冬菇 / 兜咗佢 / 收大信封 / 食無情雞 = 被解僱 / 將他解僱（炒 / 兜 / 燉 = 解僱）
量地 = 失業
攞綜援 = 領取失業救濟金
食拖鞋飯 / 食軟飯 / 咬老軟 = 意指長期刻意不工作而依靠女人生活的男人
[/quote]
[quote]
裝扮篇
好 in / 好潮 = 入時 / 時尚
TOM BOY / TB = 女性言行 / 裝扮像男性化
街坊裝 = 衣著平民化 / 隨便
三角旗 = 男裝三角內褲
孖煙囪 = 男裝闊身內褲
聖誕樹 = 衣著累贅
懶佬鞋 = 不用穿繩的男裝鞋
黑超 / 太陽超 = 墨鏡 / 太陽眼鏡
五枝火柴頭 / 金勞 = 勞力士腕錶
[/quote]
[quote]
生活篇
陀地（當指物件時）= 香港製造
彈 = 提供 / 供給 / 介紹
生鬼 / 搞笑 = 惹笑
扮嘢 = 假裝 / 裝模作樣 / 意氣風發 / 高傲
詐假兒 / 詐“帝”= 假裝 / 裝模作樣
手指拗出唔拗入 = 意指有些人對事衹幫外人而不幫同絆 / 親人
甘 = 厲害
煲電話粥 / 煲粥 = 長時間傾談電話
煲無米粥 = 說一些天馬行空的話 / 做一些無結果的事情
嘆 = 享受
嘆世界 = 享受人生
火燒旗杆（長炭）/ 長嘆 = 衣食無憂
貪靚 / 姿整 = 老是愛打扮
搭“lift”= 乘升降機
穿煲 / 踼爆 / 篤穿 = 識破
莫薑 / 淆底 = 驚慌 / 害怕 / 擔心
夠薑 = 夠胆色
三魂唔見七魄 / 面青口唇白 / 面青青 = 魂飛魄散 / 魂不附體
烚熟狗頭 = 經常笑面迎人（有些少貶意）
豬乸帶耳環 = 醜女被恥笑不懂打扮
笑面虎 = 笑裏藏刀
“ B”“LEE”巴啦 / 嘈寃巴閉 = 碟碟不休 / 說話燥音
口水多過茶 = 口若懸河 / 碟碟不休
發爛渣 = 非常憤怒 / 大發雷霆
面皮厚 / 厚面皮 = 厚顏無恥
薄皮 / 面皮薄 = 小器 / 容易發怒 / 害羞
灰 = 灰心 / 失意
燘薑 = 情緒燥狂的人
獨家村 = 獨來獨往的人
喊 / 流馬尿 / 喊晒口 = 哭
認巢 = 知錯 / 認低威
喪 = 狂 / 瘋狂
恰得 / 食得住 / 食滑 / 食硬 / 食住上 = 欺負 / 佔上風 / 佔優勢
好瘀 / 瘀到痺 = 很羞家
老點 = 亂指一通
老奉 = 奉旨
烏喱單刀 = 亂作一團
論盡 = 笨 / 笨手笨腳
好“囉”= 過時 / 土包子
正 / 好得 = 好 / 很美 / 讚賞 / 很捧
一本通書睇到老 / 唔識轉彎 / 唔識轉膊 = 依書直說 / 不懂變通
洗腳唔抹腳 = 揮霍無道
乸型 / 女人型 = 娘娘腔
串 = 揶揄
串 / 臭串 / 串咀 / 沙塵 / 好囂 = 囂張 / 高傲
招積 = 得意洋洋 / 意氣風發
人都癲 / 命都短幾年 / 命都唔長 = 意指受了苦的人而作出悔氣的說話
食咗都背脊骨落 = 若得利益也枉然
流蚊飯 = 小小的傷口流血
抵死 = 活該 / 亦可指人或事很有趣
唔知訂 / 買板唔知訂 /（你）少炳 / （你）身痕 = 不知好歹 / 不知死活 / 自尋死路 / 不識枱舉
勒緊褲頭 / 紥炮 = 捱飢抵餓
拍烏蠅 = 人流稀少 / 業務不理想
好靜 / 水靜河飛（水盡蛾飛）= 與上行的意思大致相同
摺埋 / 摺咗 / 執笠 = 結業
跑山 / 撲水 / 度水 = 向人家借錢
莫財 / 爆廠 / 乾塘（沒有水） / 兜踎 / 仙都唔仙 / 無貨 / 荷包肝硬化 / 好燶 = 窮困 / 遇到困境
梅“dum the” = 遇到困境
落狗屎 = 滂沱大雨
落雨 = 下雨
淋到隻狗 / 落湯雞 = 被大雨淋至全身濕透
有料 / 有料到 = 很捧 / 能幹 / 有事發生
上晝 = 上午
下晝 / 晏晝 = 下午
得閒 = 有空
而家 = 現在
聽日 = 明天
聽朝 = 明天早上
聽晚 = 明晚
尋日 = 昨天
尋日朝 = 昨天早上
尋晚 = 昨晚
後日 = 過兩天
磨爛蓆 = 做一件事怎也不願意離開 （如: 工作 / 賭博 / 娛樂）（貶意詞 ）
埋堆 = 結交 / 經常與某些人保特聯繫
電聯 = 電話保持聯絡
起錨 = 起行 / 行動
哨 / 撇 / 閃 = 走 / 離開 / 失蹤
"hae"吓 = 稍作休息 / 消閒
撥個輪 / 飛個輪 / 打電話 = 撥電話
拍膊頭（肩膊）= 向別人求助
要 XX 嚟睇吓門口 = 意指有某種常用物品以備不時之需
袋錢落你袋 = 意指有好意主動教了你事項
篤數 = 誇大了數目 / 暫時結欠款項
篤手指 = 暫時結欠款項
攞咗 = 取了
掂晒 / OK = 滿意 / 完成
揸住 / 攞住 = 拿著（住 = 著）
買飛 = 購票
搭車 = 乘車
踩單車 = 乘踏腳車
飛的 / 搭的士 = 乘計程車（的士 = TAXI）
通頂 = 通宵
去咗 = 去了
返嚟 = 回來
著數 = 便宜
攞著數 / 搵著數 = 佔便宜
煎爙三寳（孤寒、度縮、老很土）= 衹懂佔便宜而不願付出的人
縮骨 / 度縮 / 孤寒 / 孤寒粽 = 吝嗇
呃錢 / 呻笨 / 搵笨 / 搵丁 / 搵老襯 / 老襯 = 給人家欺騙 / 佔了便宜
街坊 = 鄰居
師奶 = 平民化婦人的統稱 / 歐巴桑 已婚女仕
講價 = 討價還價
打斧頭 = 報大價格私吞金錢
紅薄仔 = 銀行存摺
紅白藍 = 香港獨有的紅、白、藍三色直條的帆布袋
幫襯 = 光顧
買餸 = 買菜
好平 = 很便宜
好抵買 = 很便宜 / 物超所值 / 價廉物美
好貴 = 很昂貴
街巿 = 市場
超市 = 超級市塲
seven / 七仔 = 7.11 便利店
屋企 = 家
有瓦遮頭 = 家 / 室內
烚吓烚吓 / 烏吓烏吓 = 儍呼呼的
矇查查 / 矇閉閉 = 矇在鼓裏 / 幪然不知
講粗口 = 說污言穢語引用:
家庭篇
居屋 = 居者有其屋（中產收入市民的私人房屋）
BB 仔 = 嬰兒
細路仔 = 小朋友
細佬 = 弟弟
細妹 = 妹妹
阿哥 = 哥哥
家姐 = 姐姐
仔女 = 兒女
香爐躉 = 家庭裡唯一的男丁
湊仔 / 女 = 照顧兒女
生舊叉燒好過生你 = 意指父母駡兒女的悔氣說話
阿爸 / 老豆 / 爹 d = 爸爸
阿媽 / 老媽子 / 媽咪 = 媽媽
老婆 = 妻子
老公 = 丈夫
奶媽 = 乳娘
耍花槍 = 夫婦 / 情侶小爭執
老婆奴 = 指怕妻子的丈夫
廿四孝 = 指家庭成員對家人盡心盡力的代名詞
賓賓 / 賓妹 / 菲嫞 = 菲律賓女嫞人
煮飯 = 燒菜
煲碟 = 長時觀看影像光碟
香梘 / 滑石 = 肥皂
沖涼 = 洗澡
瞓覺 = 睡覺
眼睏 = 喝睡
未回魂 = 還沒清醒
你瞓醒未呀？！/ 喂，返來囉！！= 揶揄該人胡裡胡塗不清醒
打喊露 / 放蚊 = 打呵欠
恰眼瞓 / 釣魚 = 打瞌睡
好攰 = 很累
厠所 = 洗手間
屎塔 / 坐厠 = 馬桶
熱啤 = 尿
痾尿 / 痾o殊o殊 / 擺柳 / 放水 / 揸水 / 交水費 = 小便
臭臭 / 米田共（糞）/ 屎 = 糞便
爆石 / 痾屎 / 痾o騎 / 踎塔 / 擺堆 / 痾鎖鏈 / 紥馬 = 大便
煲屎 / 痾鎖鏈 = 佔用洗手間很久
[/quote]
[quote]
社會篇
“R”頭 / 頭痕 = 摸不著頭腦 / 令人困惑 / 令人苦惱
戇居 = 笨 / 痴呆
騎呢 = 古怪 / 怪誕
騎呢怪 = 古怪 / 怪誕的人
儍仔 = 呆子 / 愚蠢
好假 = 虛偽
無彎轉 = 不留餘地
好娘 / 娘炳 / 老土 = 土包子 / 衣著過時 / 言行令人反感的人
“鯨”咗 / 企咗喺度 = 呆著 / 束手無策
O 咀 = 錯愕 / 失望 / 滿不是味兒
嬲 = 不高興 / 憤怒
扁咀 = 失意 / 不高興 / 沒精打彩
講故仔 = 說故事
頂癮 / 過癮 = 很有趣
吊癮 = 很想再試
蘿柚 = 臀部
波蘿蓋 / 膝頭哥 = 膝蓋
污漕邋遢 = 不清潔
肉酸 / 樣衰 / 樣炳 = 通常形容醜陋的人 / 東西
豬扒 = 通常形容醜陋的女性
好英 / 好型 = 意指該男性很俊俏
型仔 = 意指該男性 / 物品很美觀
拋生藕 / 放電 / 單眼 = 向對方作出挑逗 / 示愛的訊息
漏電 = 不經意的吸引令對方傾慕
觸電 = 一見鍾情 / 合眼緣
恨死隔離 = 羡煞旁人
依依“泣泣”= （情侶）融融細語 / 談情說愛
煙“UN”/ 好冧 = 很甜蜜
冧樣 = 甜蜜的樣子
嗒糖 / 好冧佢 = 暗戀她 / 他 / 很喜歡他 / 她 / 很愛他 / 她
起痰 = 暗戀她（通常指男性對女性）
媾女 / 介女 = 泡妞
好靚 / 靚爆鏡 / 好索 = 意指該女性很美麗
打o騎輪 = 接吻 / 濕吻
你 / 我 / 佢條女 / 仔 = 你 / 我 / 他的親密男 / 女朋友
飲樣 = 準備出席婚宴的打扮
隔夜油炸鬼（油條） / 軟皮蛇 / 鵪鶉 = 意指沒主見及胡裡胡塗或無拼勁的人
條友 / 嗰條友仔 (單數）= 那傢伙
嗰班友仔(眾數）= 那班傢伙
阿哥 / 哥仔 / 靚仔 = 先生
姐姐仔 / 靚女 = 小姐
四眼仔 / 佬 = 架眼鏡的男
四眼妹 / 婆 = 架眼鏡的女
阿姐 = 中年的女性
阿叔 = 中年或以上的男性
阿伯 = 年老的男性
麻甩佬 = 外形猥褻的中年男人 / 單身漢
葵扇六 = 大陸（啤牌中葵扇是最大的）
北姑 = 通常指國內來港非法賣淫的妓女
表姐 = 國內的女士
阿嬸 = 年老的女性
阿叔 = 年老的男性
o騎呢啡 = 臨時演員 / 不受重視 / 沒有名氣 / 不出眾的人
二打六 = 不知明人士 / 不受重視 / 沒有名氣 / 不出眾的人
表叔 / 阿燦 （有些少貶意）= 國內的男士
乞兒 = 乞丐
老同 / 道友 / 道姑 = 吸毒者
癲佬 / 儍佬 = 神經失常的男人
癲婆 / 儍婆 = 神經失常的女人
戇居居，食煎堆 / 痴痴呆，坐埋一檯 = 一班儍頭儍腦的人敘在一起
兜巴星 / 一巴掌 = 一記耳光
放蛇 = 意指捉拿罪犯的計謀行動
撩交嗌 = 挑釁吵架
嗌交 = 爭吵
開拖 / 打交 = 打架
大鑊 = 發生大事件
吵大鑊 = 嚴重爭執
孭鑊 = 承擔後果
覆卓 = 報仇
甩轆 / 過火 / 離普 / 離晒罩 = 指事情 / 人物過了界限
波蘿 = 炸彈
出事 = 亂了盤子
出咗事 = 發生了意外
撩“lung”/ 刁鑽 / 吊釘 = 奇異、不尋常的
磨薑 / 波蘿炒芥蘭 = 絆倒在地上擦傷流血 （通常用在球類運動）
踩波車 = 被皮球絆倒
賣鹹鴨蛋 = 已經離世
食燒肉 / 釘咗 / 釘蓋 / 香咗 = 死亡
中招 / 瀨嘢 = 犯錯
臨尾香（林美香︰乃前無線新聞記者）= 意指該人 / 事件到最後沒有好結果
入廠 =（當指人時）送進了醫院 /（當指物品時）送了去維修
食煙 = 抽菸
（抽煙時）有無米缸？= 有沒有煙灰缸？
煙仔 / 強 / = 香煙
一飛煙 = 一枝香煙
煲煙 / 扯煙 = 抽煙
（抽煙時）打邊爐 = 一群人在街上公眾煙灰缸一起吸煙
甩底 / 放飛機 = 失約 / 爽約
放飛劍 = 隨處吐痰
揸波子 = 駕駛保時捷跑車
新牌仔 = 駕車新手
的士（taxi） = 計程車
電單車 = 摩托車 / 機車
司機 = 駕車員
揸車 = 駕車
照沙龍 = 照汽車超速相
五枝旗杆 = 香港（九龍區）尖沙咀碼頭
紅隧 = 香港紅磡海底隧道
東隧 = 香港東區海底隧道
西隧 = 香港西區海底隧道
伊館 = 香港伊利沙伯體育館
紅館 = 香港（九龍）紅磡體育館
九展 = 九龍灣展貿中心
Q E = 伊利沙伯醫
鴨記 = 鴨寮街（北段）
波鞋街 = 花園街（南段）
金魚街 = 通菜街（北段）
女人街 = 通菜街（南段）
平民夜總會 = 廟街
打包（鹹魚） = 包裹著屍體
鹹魚 = 死屍 / 遺體
大酒店 = 香港殯儀館
四塊半 = 棺木
（在醫院 / 診所）姑娘 = 護士
古惑仔 = 三合會成員
Y 屎 / 車頭 / C.I.D = 便裝警員
阿蛇 / 阿 sir / 差佬 / 差人 / 烏龜 / 龜 / 衰人 = 警察
歪帽 = 機動部隊警察
白炸 = 交通警察
龜竇 = 差館
o架啡人 = 違例泊車票控員
白車 = 救護車
黑箱車 = 運走屍體的汽車
[/quote]
[quote]
金錢篇
01. 神沙 / 散子 = 零碎錢（每個面值不大於一元的毫子）
02. 大餅 = 香港面值︰1、2、5、10 元的硬幣
03. 一毫子* = 一毛錢（*如此類推 …，但超過一元以後，不會說「十幾或幾十毫子」。）
04. 一蚊 / 一皮 / 一蚊雞* = 一元 / 一塊（*如此類推 …，但超過十元後，通常不會有雞字。）
05. 個幾* = 大於一元及以後（*例︰2.7 元，便是兩個七或兩個幾，如此類推 …。）
06. 幾蚊 / 幾蚊雞（三元至九元）= 數元 / 數塊錢
07a. 十蚊 / 十蚊雞 / 一兜嘢* = 十元（*如此類推 …，但超過 一佰元以後，便不會說「十幾或幾十兜嘢」。）
07b. 金銀膶 = 香港 10 元硬幣
08. 十二蚊（如此類推 …）= 十二元 / 十二塊錢
09. 十幾蚊 = 十數元 / 十數塊錢
10. 幾十蚊 / 幾兜嘢 = 數十元 / 數十塊錢
11a. 一佰蚊 / 一舊水* = 一佰元 / 一佰塊（*如此類推 …，但超過一仟元以後，便不會說「十幾舊水」。）
11b. 紅衫魚 = 香港一張 100 元（紅色）的紙幣
12. 佰幾蚊 = 一佰多元 / 一佰多塊錢
13. 幾佰蚊 / 幾舊水 = 數佰元 / 數佰塊錢
14a. 五佰蚊 = 五佰元 / 五佰塊
14b. 大牛* = 香港一張 500 元（啡色）紙幣。（*但已較少人說）
15a. 一仟蚊 / 一猜嘢* = 一仟元 / 一仟塊錢（*如此類推 …，但超過一萬元以後，便不會說「十幾或幾十猜嘢」。）
15b. 金牛 = 香港一張 1000 元（金黃色）紙幣
16. 仟幾蚊 = 一仟多元 / 一仟多塊
17. 幾仟蚊 / 幾猜嘢 / 幾張金牛（詳見 15b.） = 數仟元 / 數仟塊
18. 一萬蚊 / 一餅*嘢 / 一皮*嘢（如此類推 …）= 一萬元 / 一萬塊
*皮 / *餅（皮 / 餅 = 萬，嘢 = 蚊）︰
在香港，如若衹用皮 / 餅形容金錢，即 = 蚊，但若用形容面額去到萬，就必需加個嘢字，如︰皮嘢、餅嘢，否則，人們衹會誤
以為衹是一蚊，可留意第 4. 與 第 18. 的分別，在這方面是應注意的。
19. 萬幾蚊 / 餅幾嘢 / 皮幾嘢 = 一萬多元 / 一萬多塊
20. 三萬蚊 / 三餅嘢 / 三皮嘢（如此類推 …）= 三萬元 / 三萬塊
21. 五萬幾蚊 / 五餅幾嘢 / 五皮幾嘢 = 五萬多元 / 五萬多塊
22. 幾萬蚊 / 幾餅嘢 / 幾皮嘢 = 數萬元 / 數萬塊
23. 十萬蚊 / 十餅嘢 / 十皮嘢 / 十個*（如此類推 …）= 十萬元 / 十萬塊
*個︰
形容萬元的時候，通常去到十或大於以後，這才會有，而且是獨立的。而數目愈大，皮嘢、餅嘢則不出現，而亦不會有「嘢」字
出現，可留意第 27. ~29.、31.，亦切勿說作「一佰個嘢 / 一佰萬個」。
在形容金錢的時候，若面額去到萬，而有明確的數目，及又超過十，在萬以後通常就不會有任合何字眼跟尾，如︰蚊、皮、餅、
嘢等，因人們已知明確的數目，可見第 24.、28.、32.，否則衹是多此一舉，感覺怪怪的。
24. 十三萬 = 十三萬元 / 十三萬塊
25. 十幾萬 / 十幾餅 / 十幾皮嘢 / 十幾個 = 十多萬元 / 十多萬塊
26a. 三十萬 / 三十個 = 三十萬元 / 三十萬塊
26b. 三十幾萬 / 三十幾餅 = 三十多萬元 / 三十多萬塊
27. 幾十萬 / 幾十個 / 幾十皮嘢 / 幾十餅 = 數十萬元 / 數十萬塊
28. 一佰萬 / 一佰個（如此類推 …）= 一佰萬元 / 一佰萬塊
29. 佰幾萬 / 佰幾個 / 佰幾餅 = 一佰多萬元 / 一佰多多萬塊
30. 三佰萬 / 三佰個 = 三佰萬元 / 三佰萬塊
31. 幾佰萬 / 幾佰個 = 數佰萬元 / 數佰萬塊
數目愈大，形容詞便會變得愈精簡，跟書面語相若，如︰皮嘢、餅嘢、個，亦不會出現。（筆者相信是一般市民較少用作經常開
支，所以沒有加進較多的形容詞。）
32. 一仟萬 = 一仟萬元 / 一仟萬塊
33. 仟幾萬 = 一仟多萬元 / 一仟多萬塊
34. 幾仟萬 = 數仟萬元 / 數仟萬塊
35. 一億 = … 在這以後不再多說了。
註︰在香港，如用皮 / 餅形容人 / 事物金錢的數目，一般情況下也很容易有人將五位數字與單 / 雙位數字混淆，但通常形容金
錢數目之前，已有該項人 / 事物的說明。
舉例 1︰
「我而家嘅人工，每個月都有三皮 …」。這樣，人們便不會估計誤以為該人的每個月的工資，衹有三元了吧。
舉例 2︰
「而家啲汽水每支都好貴，都要賣成 9 皮一支o架！」這樣，人們便不會誤以為汽水每支售價為 9 萬元一支了吧。
[/quote]
[quote]
飲食篇
行街 = 外賣
撐枱腳 = 夫婦 / 情侶 / 朋友（二人）共膳
食嘢 = 吃東西
飲嘢 = 喝飲料
食早餐 = 吃早點
食晏 = 吃午飯
靚仔 = 白飯
開飯 / 吔飯 / 食飯 = 吃飯
飛沙走奶 = 齋啡
細蓉 = 雲吞麵
士多啤梨（strawberry）= 草莓
橙 = 柳丁(台灣用法) / 西紅子 (國內用法)
三文魚 = 鮭魚
蜆 = 蛤
走青 = 餸菜不要葱）
加色 = 湯麵加牛腩汁 / 麵 / 飯加豉油
抄底 = 白飯改成雞蛋抄飯
3 點 3 / 飲下午茶 = 喝下午茶
食宵夜 = 意即在較夜時間吃小食
打邊爐 = 火煱
飲茶灌水 = 到茶樓飲茶
打冷 = 意指惠顧香港潮洲飯店
大排檔（大牌檔）= 指香港舊式街邊熟食檔
車仔麵 / 那渣麵 = 指港式多種雜項餸菜任意配搭的麵檔
麥記 / M 記 = 麥當奴快餐店
[/quote]
[quote]
娛樂篇
篤波 = 打桌球
踩冰 = 溜冰
轆鈴 = 打保齡球
睇戲 = 看電影
落 D = 去的士高（Disco）
唱 K = 唱卡拉 OK
開 P = 開派對
船 P = 在船上開派對
過大海 = 去澳門
刨馬經 = 長時間細閱賽馬報章
燒嘢食 = 戶外燒烤
去 Camp = 縮營 / 露營
操啤 = 打啤牌
竹館 = 麻雀館
打牌 / 大戰四方城 / 打麻雀 / 游乾水 / 開枱 = 麻雀耍樂
出嚟飲嘢 / 落吧 = 去酒吧消遣
出嚟飲嘢 = 相約外出消遣
劈酒 = 與朋友長時間對飲（酒）
簽酒 = 夜場內的公關免費贈送啤酒
猜枚 = 猜拳（喝酒時）
（飲酒時）吹喇叭 = 意指該人一口氣將一支酒飲清
好迷 = 神志不清
貓咗 / 冧咗 / 飲大咗 / 啤啤夫 = 喝醉了
斷片 = 喝醉而失去記憶
扣喉 / 劏（劏白鶴）= 嘔吐
[/quote] 咁多WOG唔洗既運用既字 !GOOD [table=100%,#FFFFE6][tr][td][size=9pt][發帖際遇]: [url=http://swtkzone.com/event.php]emily販賣軍販, 不小心賺到佣金緣幣88元.
[/url][/font][/td][/tr][/table]
好多...不過感覺上冇咩人會睇= = 大長了
有排睇
睇得久對眼5好 很多非常詳細喔@@謝謝分享 哇!
超詳細
謝謝你 謝謝~~我終於學會港語了@@(目前才會一半=口= 原來這裡是字典(誤) 感謝大大!!
很詳盡喔!! 哇 ... 字典 ...
頁:
[1]
